Perstaym ko sa Mangrove Cove

Isa sa mga favorite spots ko ngayon yung Mangrove Cove. At almost complete kame ng mga kabarkada ko sa magandang getaway na ito. Medyo may kamahalan pero ok lang. Sulit sa gastos at byahe ang pagkakapunta namin dito.
7AM ng Sabado nang magkita kita kame sa Riverbanks. Dala ang mga damit at pagkain na pang 3 days, 2 nights na bakasyon. Masaya naman at buong byahe e puro kuwentuhan at walang boring times. Excited din akong makawala sa stress sa siyudad kaya sinulit ko talaga ang bakasyon na ito.

From Marikina, drive hanggang Batangas City Pier ang biyahe. Mga 1.5 hours din yun. Pagdating namin sa pier, may mga bangka na naghihintay na sa amin. Malaki yung bangka. Pang 20+ na tao ata. 10 lang ata kame kaya sobrang luwag ng bangka at pwede kang magmoment at gumawa ng MTV para di ka mabored. Medyo malakas ang alon papunta sa Mangrove Cove. Bago ka makarating dun, may mga madadaanan ka ring mga resort. Pero ang drama, parang nasa kasuluk-sulukan ata ang resort namin. Parang nagtatago.

Pagsilip ng Mangrove Cove, parang ayaw mo nang umuwi. Ang ganda! White sand at talagang parang ikaw lang ang may-ari ng resort. Andaming facilities except sa pool. Wala ring signal ang mga networks pero may wifi. Too bad meron akong promong minamanage nun kaya may dala akong laptop. Pero at least naenjoy ko pa rin. May mga surfboards kahit walang alon dun at napakatahimik. Malinaw ang tubig at wala masyadong tao. Nakakakalma talaga ng pakiramdam.

Kinuha namin yung pinakataas na area na may 5 rooms, bar, veranda, sala at kitchen. Para tuwing umaga, ganitong eksena makikita mo:
Maganda yung may sariling kitchen para makagawa ng mga gustong recipe nyo sa buong stay nyo. Pwede ring magpaluto kina ateng bantay para makapag relax relax kayo. Pero mas inenjoy namin ang pagluluto. Akalalain mo, ambongga ng mga recipes namin.
Nung medyo hapon hapon na, Nagtry kaming lumibot sa buong cove. Dahil may surfboard at stable naman ang dagat kaya hindi delikadong maggala. Tutal yun lang naman gagalaan namin kaya ok lang. Nature tripping ang gimik namin at wala na kaming ibang masabi kundi "Ang ganda!"

Salamat kay Janah dahil sya ang nagbook sa amin para makapunta dito!

Perstaym ka bang makakakuha ng updates ko?

Comments